З мэтай папулярызацыі беларускай мовы, далучэнне дзяцей да беларускай мовы і літаратуры, фарміраванне патрыятычных пачуццяў, мы адкрываем штотыдневую акцыю «Размаўляй са мной па-беларуску!» (кожны чацвер).
У гэты дзень маленькія выхаванцы гуляюць у беларускія народныя гульні, у дыдактычныя гульні, гульні-драматызацыі, знаёмяцца з вялікай колькасцю цудоўных твораў, напісаных на роднай мове, уважліва слухаюць беларускія песенькі і пацешкі, з задавальненнем размаўляюць на беларускай мове.
Каб Вам было лягчэй з намі размаўляць, зазірніце ў нашу слоўнікавую скарбонку.
Скарбонка ветлівых слоў
Дзякуем
Сардэчна дзякую! Я ўдзячны (удзячна) Вам! Дзякуй за дапамогу! Дзякуй за ўсё!
Просім прабачэння
Прабачце, калі ласка! Я прашу прабачэння! Вельмі шкадую, што нарабіў Вам клопату. Не сярдуйце, так атрымалася. Даруйце, мне вельмі непрыемна.
Радуемся
Вельмі добра! Цудоўна! Выдатна! Вось здорава! Якое шчасце! Вось гэта навіна! Мне вельмі прыемна! Я задаволены (задаволена)! Вы мяне ўзрадавалі! Мне гэта даспадобы! Гэта самая шчаслівая хвіліна ў маім жыцці! Я вельмі рады (рада)!
Жадаем
Жадаю шчасця! Каб Вы здаровы былі і радаваліся! Хай Вас Бог беражэ! Хай Вам шчасціць! Хай будуць здаровы Вашы родныя! Расці дужы (дужая) ды вялікі (вялікая)! Хай здзейсняцца ўсе спадзяванні! Бывайце здаровы, жывіце багата! Добрай дарогі! Хай усё будзе добра! Хай Вам лёс не здрадзіць!