"Ой, ладачкі-ладкі, надышлі Калядкі..."

      Традыцыя правядзення беларускага народнага свята Каляды існуе даўно.  Селета  дарослыя і дзеткі да Каляд вельмі   рыхтаваліся: знаёміліся з гісторыяй свята, яго традыцыямі, развучвалі  калядныя песні і беларускія народныя танцы.У пачатку свята пад гучанне беларускай народнай музыкі гаспадыня і гаспадар накрывалі на стол, чакалі гасцей. На працягу свята у музычную залу уваходзілі калядоўшчыкі, пераапранутыя  цыганам, казой, мядзведзем.     Выхаванцы  актыўна прымалі удзел у свяце: спявалі калядкі, танцавалі, удзельнічалі ў беларускіх народных гульнях.  Свята не толькі прынесла радасць удзельнікам, але і дало ім магчымасць дакрануцца да традыцый і звычаяў беларускага народа, самім адчуць усю прыгажосць народных святаў і гулянняў.

Усё гэта стварыла асаблівы святочны настрой і напоўніла дашкольны цэнтр  развіцця дзіцяці  казачнай атмасферай.